Two weeks on and ma nerves are beginnin tae settle, the Adams mob have disappeared into the depths of Easterhoose, and ave jist asked the coonsil if they lll fence aff the fitba pitch "the gerdin" as ave been given a bit of heart since gettin ma close in order at last...The coonsil came oot last week and fumigated the Adams residence, no kidding they wore big white suits wae hoods and masks, thote ad been invaded fae space, they took oot bags o muck in big black polys, then next day the painters came in to try and make it look habitable.. As the workies went in and oot the front door ah kept keeking fur improvements, it took a few days but whit ah saw were cream emulsioned waws, so big big improvement.. A sank back in ma second haun couch wae a cup of tea and sighed. looking round what ad achieved in my wee hoose wae no very much , and wondered if ma life wid ever get better, but at least it wiz clean fur ma weans, so ah managed a wee smile, as if ad done well.. Head a rumpus in the close, two weeks oan and could hear three or more voces, slightly raised, a ran tae the door and keeked thru the big keyhole left when the last resident, wheeched the loak aff the door, they didnae believe in giving anyone a wee start... so am looking thru whit the keyhole allowed and saw legs, and ah mean legs, am wee , only five fit two so anything ower five five is tall tae me, but this wiz a giant o a wummin, wae a mini up her bum, and a man near a fit wee er than her, ..the door of the Adams hoose got shoved open and in they walked...my eye wiz gettin sore wae the draught comin through the keyhole and ah leaned back oan ma knees and rubbed it, chinging eyes and postion, this ah didnae want tae miss, this wiz tae be possibly whit wid determine ma sanity fur the next few years, wur they gonny be good neighbours or akin tae the Morons . Ah waited wae a cup of tea in ma haun still crouched at the keyhole , feart ad miss them as they left as ah wanted tae see their reaction tae the hell hole... Near roasted maself wae ma tea when the door opened suddenly revealing the amazon of a wummin and her wee shackly man , smiles oan their faces...of course oan differnt levels of me crouching tae see bathe their faces... They actually looked happy, which made me wonder whit they d came oot of, no matter , this wiz an improvement to the Munch Bunch, doon the path they strolled wae the man fae the housin, eyeing up neebors windaes, mne were shining wae some nice plastic blinds ad bote cheap and some cross ower curtains, which were in vogue then, I hid behind wan o the heavy curtains , feeling proud o ma windaes, but ashamed o the gerdin, that ah didnae know whit tae dae wae... Few days later , the big van pulls up at the close , and oot come the same odd couple wae a man tae bring in whit a surmise wiz the flitting, ah felt heartened when ah saw a "long john sideboard" and some other nice new furniture coming oot the back o the van, ah goat so excited ah went oot and offered help cerrying some wee stuff in, and introduced maself, no like me as am a shy person, but think the joy of seein the improvement in my new neebors gave me a strength ah didnae normally hiv... the young couple seemed quite nice, she wiz a good bit younger than him, but they looked respectable enough and bathe worked they were telling me so that wiz good, it gave them mer than ah hid .. a joab, so ah felt a bit ashamed when they asked whit ah did, jist sort of muttered under ma breath... "oh ave goat weans" withoot filling them in on finer details o ma personal life..... Aw went well fur a few weeks, ok , they came tae the door tae tap this and that , but ah didnae mind, at least ah could keep the place nice noo and ma close wid hopefully sty clean,,, but it wiznae tae be as idyillic as ad expected... The wee man came tae the door aw hauf biled voice as if he wiz brote up in other area of Glesga , no this end o toon ataw, but it wiz a sham, maybe he hid been brote up a bit better but he wiz wee fly man, as ah fun oot quite soon.. Next thing wiz him at the door continually for this and that, noo they were bathe working but never had sauce, toilet rolls, soap, stuff like that and ah hidnae much money , so he turned oot tae be a wee parasite, ah think it embarrassed the lassie bit she never said, then efter a month living next door he announce tae me that his wife widnae be doing the close ....as she wiz three months pregnant, ma mooth fell open, as how could that stoap ye using a brush and a mop. ah jist nodded and said OK as hate confrontations, of any kind, then because he worked nights in a pub as a barman he told his wife big Ruth jist tae come intae ma hoose fur company tae he goat hame at eleven... Talk aboot a safty.. ah could kick maself noo being so daft taking aw this, no only that but he wid come in and get comfy efter work looking for tea and something tae eat...he wiz sleekit and devious wee creep o a man. although ah liked the lassie. Ah went tae bed wondering if it wiz me that aw thes strange folk gravitated tae , cause oh ma nature, no long efter that he loast his joab, goat caught wae his fingers in the till and got sacked. so noo he wiz in his hoose aw day and night and she wiz noo aff work ready to hiv her wean...so ah hid them at ma door ever mer noo, he announced to her in front of me that they widnae me shoart of a babysitter, and looked in ma direction, thats when the fuse blew...."Oh naw Alex" ah said "Av goat ma ane three and thats plenty fur anywan " and ah wiznae kidding noo... ad hid enough of him and his sly personality. wee user.....A few months oan and the wean wiz boarn and they goat letters fae the factor fur no paying the rent, fur whitever reason, they did a runner, did a flitting during the night tae a flat in Dennistoun, so here ah wiz wae an empty hoose again next door, ah wondered whit wiz next fur me and ma weans in this mental close, it wiz like Sodom and Gomorroah wae aw the parties, ma weans couldnae get tae sleep and it fell oan deaf ears if you complained, the whole close wiz the same , ah felt ah wiz really goin mad, wan wummin hid a fight oan the sterrheid wan day wae her man and took her purse, wae the metal edged clip and smashed the sterrheid windae, this wiz a wummin in her fifties, smashin a windae in a temper , maybe this will let ye see jist whit ma nerves took at 991 should hiv been 999 as the polis were continually at the close wae aw the fight...... well three more tae go and will it get any better,...dont you believe it , it gets worse..